30 ნოემბერი,  2018 წელი.  ისტორიის მოყვარულთა კლუბის ,,ტოლერანტული საქართველო"   წევრები შევიკრიბეთ, ვიმსჯელეთ,  გავინაწილეთ თემები, რომელზეც ვიმუშავებთ წლის მანძილზე, გავეცნობით და დავამუშავებთ წყაროებს, სასწავლო წლის დასრულებამდე მოვაწყობთ სასკოლო კონფერენციას
                     

საოცარი ემოციური დღე გვქონდა მე და ჩემს მოსწავლეებს, ტოლერანტობის საერთაშორისო დღეს მივუძღვენით ექსკურსია ,,ტოლერანტული თბილისი" ტურისტული კომპანიის ,,კულტურის პოპულარიზაციის ცენტრის" ტურის ფარგლებში, გიდი დავით ხანთაძე, შეუდარებელი პროფესიონალი უცებ რომ მოინადირა ბავშვების გული. ვნახეთ ზემო ბეთლემის მართლმადიდებლური
ტაძარი, მეჩეთი და სინაგოგა, სომხური და კათოლიკური ტაძრები, ათეშქა–მაზდიანობის ტაძრის ნაშთები, აღფრთოვანებული ვარ დღევანდელი დღით! ამ პატარა სივრცეში მშვიდობიანად თანაარსებობდა ამდენი განსხვავებული კონფესია, ღვარძლის და სიძულვილის გარეშე, ვამაყობ ჩემი თბილისით და ჩემი სამშობლოთი!

16 ნოემბერი ტოლერანტობის საერთაშორისო დღეა!                    

 ჩემს მოსწავლეებთან საუბრისას  ავღნიშნე,  რომ ეროვნული და რელიგიური მრავალფეროვნება ჩვენი    სამშობლოს   სიმდიდრეა,  რომ    მხოლოდ    მშვიდობიანი თანაცხოვრება, ურთიერთგაგება,  ერთმანეთის კულტურის, ადათ–წესების,   ტრადიციებისა   და    ღირებულებების     ცოდნა, ურთიერთპატივისცემა  ქვეყნის წარმატებული განვითარების  საწინდარია.    გამოიკვეთა აზრი ისტორიის მოყვარულთა კლუბის შექმნისა, რომლის ერთ–ერთი მიზანიც ამ საკითხებით დაინტერესება  და ამ კუთხით შესწავლა იქნება.   გადაწყდა რომ დაგვეწყო ჩვენი დედაქალაქის, ტოლერანტული ქალაქ– თ ბ ი ლ ი ს ი ს  შესწავლით....

სსიპ ქალაქ თბილისის N 32 საჯარო სკოლის ისტორიის მოყვარულთა კლუბი ,,ტოლერანტული საქართველო“
16 ნოემბერი 2018                                                                                                                                                                                             კლუბის წესდება
https://1drv.ms/w/s!AlgoGMAB9_N2gQ08JjMz-RfhzNph